مين اللى خد الكرسى
كان فية واحد مصرى غلبان زية زى كل الغلابة
صحى الصبح و راح يشترى فطار اخيرا
قدر يتحصل على 10 ترغفة عيش من الفرن
و جاب شوية فول علشان يفطر من عند عمى عادل بيسو ابتاع الفول
و على فكرة عمى عادل واخد الايزوا 9006 ،يعنى هياكل فول ايزوا
المهم الراجل جاب العيش و الفول و قعد ياكل و قال............
بسم اللة و لسة بيقطع العيش لقى فيه عقب سجارة
طبعا شالة على جنب "اصل هو واخد على كدة"و بدء ياكل.........
الفول مش مستوى، قال فى نفسة و مالة ما هو علية ختم الايزوا
يعنى انا هفهم احسن من بتوع الايزوا،يمكن انا اللى مش عارف اكل
"اصل انتم مش واخدين بالكم ،اصل شركة العبارات إياها كانت وخدا الايزوا
بردة بس الناس ماعرفوش يركبوا علشان كدة ماتوا" ما علينا......
الراجل اكل ربع الرغيف بس و رمى الباقى ،اصل هو دة اللى عرف ياكلة من الرغيف
"اصلة من محدودى الدخل"
صاحبنا نزل و راح الشغل راح يركب الاتوبيس معرفش ملقاش مكان
حب يشعبط ملقاش مكان على السلم زى كل يوم،
قال فى نفسة هجرى تانى ?? قام خدها جرى ورا الاتوبيس
قال و مالة ماهى رياضة و الدولة دلوقتى بتشجع الرياضة
يمكن حد من الشباب و الرياضة يشوفوا ،فيكتشفه، فيخده يلعب كرة
و يديله كام الف جنيه (المرحوم جنيه بعد ما عوموا وبعدين غرقوا)، اصل ميزانية الكرة مفتوحة على البحرى
و عندهم فلوس كتير، هو يا دوب يلعب موسم و لا موسمين و يبقى مليونير
مش الكام ملطوش بتوع كل شهر ، بس للاسف لغاية دلوقتى محدش واخد باله منه
مع انه طول عمره بيجرى على اكل عيشه
ووصل الشغل و دخل المكتب و بداء الشغل.....................
ايه دة هو كل يوم بقى مش هلاقى الكرسى....................
مين اللى خد الكرسى؟؟؟؟؟؟
اصل المكتب كله موظفين وفيه ازمة كراسي
(( السياسه الجديده فى تطفيش الموظفين وللى عاجبه))
الرئيسية 
أحدث الصور 
